A rehabilitación en Ourense

Ola a todos/as
Hoxe non vou escribir un poema, senon que quero comentar algo que nos incumbe a todos/as os/as ourensans e ourensanas.
Se algunha vez temos un accidente e non temos dereito a ambulancia, nen posuímos coche, pasaranos o que a algúns e algunhas estalle pasando:
ter que desplazarse ata os fríos paraxes de Piñor, utilizando non sempre un bus novo que vaia por onde non haia baches,e soportar a dor do membro lastimado que co frío e outras complicacións non logra unha pronta recuperación.
Son plans do SERGAS a organización dos diferentes servicios na provincia, pero habería de ter en conta, xa que invirte tantos cartos, os pros e os contras de establecelos en sitios concretos e, sobor de todo, o BENESTAR dos usuarios; cousa que por moito que se esforzan os/as profesionais do centro, debido á non ben coidada planificación e estudo das reformas, non sempre se consegue.
O mesmo ocorre co sitio en que agora está urxencias. Dan tanto as correntes de aire por alí, que, se hai algunha camilla/ cama no pasillo desa planta baixa, acatarrarase de certo o/a que estea nela.